Når Hardangerkonferansen pyntar seg med slagordet «Hardanger – ein region med ei berusande framtid», nyttar ein ordet berusande i betydninga henført eller ivrig, ifylgje dagleg leiar i hardangerrådet, Jostein Eitrheim.
– Me ser jo at siderproduksjon har vorte ei stor og flott næring regionen, seier han i samtale med programsekretær JK Flattun. – Næringa er jo i ferd med å etablera seg i marknaden på den måten at Hardangersider byrjar å verta eit omgrep.
Hardangerkonferansen som startar onsdag 14.november i Ulvik, skal den første dagen ha fokus nettopp på sidernæringa. – Seinare går konferansen over på ein reiselivsdel, men desse to heng saman, seier Eitrheim.
På lenka under kan du høyra heile intervjuet.
Bilete: Arkiv
