Radio Folgefonn vart starta i 1984 som eit partslag med prøvesendingar i Odda. Frivillige medarbeidarar la ned mykje arbeid, og suksessivt vart konsesjonen utvida. Først med Ullensvang, seinare med alle kommunane i Hardanger, og sidan 2000 har og Voss vore ein del av konsesjonsområdet. Fram til 2002 sysselsette radioen eitt årsverk.
Radioen har konsesjon på FM – bandet til 2022 og når i dag ut til innbyggjarane i Hardanger på FM. Via nettradioen som ligg på framsida, kan kven som helst i heile verda lytta på Radio Folgefonn.
Radio Folgefonn har vore beredskapsradio, og har ved fleire høve vore ein viktig formidlar av meldingar til innbyggarane i konsesjonsområdet.
Per 01.07.2018 sysselset Radio Folgefonn eitt årsverk, fordelt på to halve stillingar. I tillegg er somme frivillige og ein trainee knytt til radioen .
Hovudkontoret til Radio Folgefonn ligg i Odda. Hovudinntekta kjem frå reklame på FM bandet og på Internett, samt frå kommunale tenester.
Radio Folgefonn sender 24 t. pr. døger 7 dagar i veka
