Meny Lukk

Ekstratilskot til nynorskrobot

Nynorsk ordbok

KUD gir eit ekstratilskot på 800 000 kroner til Nynorsk Pressekontor (NPK) i 2018. Tilskotet skal gå til arbeidet med utvikling av ein «nynorskrobot» – eit verktøy for automatisk omsetting av tekstar frå bokmål til nynorsk.

– For å sikre nynorsk som mediespråk, er det avgjerande at den teknologiske utviklinga i bransjen også kjem det nynorske språket til gode. Regjeringa vil støtta opp under ei slik utvikling. Difor gir vi Nynorsk Pressekontor eit ekstratilskot på 800 000 kroner i 2018, seier kulturminister Trine Skei Grande i ei pressemelding.

Tilskotet skal gå til arbeidet med ein «nynorskrobot» – eit verktøy for automatisk omsetting av tekstar frå bokmål til nynorsk. Verktøyet vil på ein enkel måte auka tilgangen til nyheiter på nynorsk. Aviser som opnar for å bruka begge skriftspråka, vil få større tilgang på notisar og småstoff på nynorsk.

Fleire av oss vil møta nynorsk i media. For nynorskbrukarar vil tiltaket bety ei styrking av deira demokratiske rett til nyheiter på eiga målform. Målet er at tiltaket skal bidra til auka jamstilling av nynorsk og bokmål i media.

Nynorsk Pressekontor får i 2018 eit driftstilskot på om lag 6 mill. kroner over kap. 326, post 73. For 2019 har NPK søkt om vidareføring av driftstilskotet og i tillegg 1 mill. kroner til arbeidet med utviklinga av nynorskroboten.

Om roboten:
– Skal automatisera omsetting av nyheiter frå bokmål til nynorsk
– Enklare og raskare leveransar til NPKs kundar og lesarane deira
– NPK kan frigjera ressursar til å eigenprodusere eksklusive saker på nynorsk

Legg inn en kommentar

Dette nettstedet bruker Akismet for å redusere spam. Lær om hvordan dine kommentar-data prosesseres.

%d bloggere liker dette: