Røyst på ditt favorittfylkesvåpen

No er det din tur til å seia di meining om kva for eit fylkesvåpen Vestland skal ha! Fram til torsdag 30. august kan du røysta på din favoritt! Dei 18 forslaga er dei fylkesvåpna som både en fagjury og ein folkejury likte best av dei 667 forslaga som er komne inn frå publikum.

At det berre er 18 forslag å stemme på, og ikkje 20, betyr at to av forslaga var på lista hos både fagjuryen og folkejuryen.

Hordaland og Sogn og Fjordane fylkeskommunar fortel i ei pressemelding at
reglane for avrøystinga er desse:

Du kan røysta fram til torsdag 30. august kl. 12.00.

Personen som har utforma forslaget som får flest røyster vil få 25 000 kroner i premie. Dei andre finalistane får 2000 kroner kvar.

Du kan røysta HER

Endeleg avgjerd i fylkestinget
Dette er ikkje ein avstemming av det endelege fylkesvåpen for Vestland fylkeskommune. Folkefavoritten vert, saman med tre forslag frå fagkomiteen, tatt med vidare i ein designkonkurranse. Her blir inntil fem designbyrå invitert til å lage sine forslag til nytt fylkesvåpen. Dei står etter reglene fritt til å designe noko nytt, bruke forslaga som inspirasjon, eller bruke eit forslag i sin heilhet.

Etter at designbyråa har levert sine forslag skal fagkomiteen gjere ei vurdering av alle desse framlegga, og så innstille eitt av dei til nytt fylkesvåpen. Til slutt er det fylkestinga i Hordaland og Sogn og Fjordane fylkeskommunar som vedtek det endelege fylkesvåpenet for Vestland fylkeskommune mot slutten av året.

Fylkesvåpena i finalen er teikna av:

Legg inn en kommentar

Dette nettstedet bruker Akismet for å redusere spam. Lær om hvordan dine kommentar-data prosesseres.