39 finalistar til Det norske måltid

Fire produkt frå Hardanger er mellom dei 39 kandidatane som er nominert til prisen Det norske måltid 2017

No er 39 finalistar klare frå 14 fylke, frå Finnmark i nord til Agderfylka i sør. Dei deltek i 13 ulike kategoriar. Frå starten av dei seks delfinalane var alle landets fylke representerte fortel landbruks-og matdepartementet.

Dei 39 finalistane har vore gjennom to tøffe dommarrundar for å nå finalen. – Landets beste kokkar og fagfolk er med på alle dommarnivå. Dei 7 juryane som har arbeidd, er samstemte i sine vurderingar, dermed er finalistane godt gjennomsmakt og vurdert for å komma gjennom nålauga til finalen, seier prosjektleder Kristin Austigard.

– Etter 10 år med Det Norske Måltid, ser me at det er internasjonalt høgt nivå på det som prvert produsert her i landet. Mange produsentar fangar opp tilbakemeldingane frå juryane og jobbar vidare for å løfta seg, seier hovuddommer Einar Risvik frå Nofima, etter siste delfinale under Matstreif i Oslo.

Finalejuryen møtest i haust for å finna vinnarane i Det Norske Måltid 2017. Samtidig er førebuingane i full gang til den store matgallaen og finalen i Stavanger 12. januar 2018.

Finalistane knytt til Hardanger finn me i kategoriane Årets godbit og Årets sider, i sistnemnde er alle finalistane frå Hardanger

Finalister Årets godbit:

DUGA byggkorn – hele, fra DUGA AS, Østfold
Wannabe økologisk kombucha, ASK Brygghus, Buskerud
Blodpølse frå Hardanger, ekte & ærleg/Johs. Lundal & Sønner AS, Hordaland

Finalister Årets sider:

Hylleblomsider 2016, Ulvik Frukt & Cideri, Hordaland
Edel Sider frå Hardanger 12%, Åkre AS, Hordaland
Edel Is-Sider frå Hardanger, Åkre AS, Hordaland