|
– I dag har me fått til eit viktig løft for fagskulane. Den nye fagskulelova gir aukt kvalitet i fagskuleutdanninga, og vil bidra til aukt status for studentane og fagskuleutdanninga, seier kunnskaps- og integreringsminister Jan Tore Sanner
Han fortel i ei pressemelding at Noreg treng fagarbeidarar. – Det er ekstra hyggeleg at denne lova kjem på plass no samtidig som me har sørga for 638 nye studieplassar ved fagskulane. – Med denne lova likestiller me fagskuleutdanninga i større grad med universitet og høgskular. Fagskular vil no verta kategoriserte som høgare yrkesfagleg utdanning, studentane får styrka rettane sine, eksempelvis får studentane no rett på fødselspermisjon, seier Sanner. – 2018 er yrkesfaga sitt år, og eg vil gratulera studentane og fagskulane med denne lova. Regjeringa har som mål å styrka yrkesfagutdanninga generelt, og fagskuleutdanninga spesielt, avsluttar Sanner. Dei viktigast endringsforslaga kan du lesa på kunnskapsdepartementet sine nettsider. |
